విత్తనం విత్తడంలోని ముఖ్యమైన ఉద్దేశ్యం, ప్రతిఫలం. ఒక వేళ ప్రతిఫలం ఆశించకుండా ఏదైనా ఇచ్చాము అంటే దానర్ధం, ఆ ఫలాన్ని ఇంతకుముందే మనం అనుభవించామని. అప్పుడు మనం తెలిపేది కృతజ్ఞత.
పరిశుద్ధ గ్రంధం చెప్పినట్లుగా విత్తడంలోని వివిధ పద్ధతులను, ఫలితాలను జాగ్రత్తగా గమనించి తెలుసుకుందాము.
దారిప్రక్కన పడిన విత్తనం:
ఏవరికోసమో, చేయాలి కనుక తప్పదన్నట్లు చేసే పని. ఎక్కడ విత్తుతున్నామో, ఎందుకు విత్తున్నామో ఏమాశించి విత్తుతున్నామో తెలియకుండా చేయడం. చాలామంది చెప్పడం మనం వింటుంటాము "నీకోసం నేను మ్రొక్కుకున్నాను" అని. కాని అది ఫలించిందాలేదా అన్నది మాత్రం వాళ్ళు ఎప్పటికీ గమనించరు. ఎదుటి మనిషి మెప్పు కోరి, తమ విలువ పెంచుకోవడానికో విత్తడం అన్నమాట.
ఒక్కమాటలో చెప్పాలంటే " ఆ ఫలించేనో లేదో, ఒక రాయి వేసి చూడటంలో తప్పేముంది" అనుకునే రకం.
ముళ్ళకంచెలలో పాడిన విత్తనం:
వితడానికేమో శ్రద్ధగానే విత్తుతారు. కాని ఎవరైనా ఇది జరిగేనా, ఫలించేనా అని మాట్లాడగానే నిరుత్సాహ పడి పోయి, పంటను గురించి శ్రద్ధ తీసుకోవడం మానేస్తారన్నమాట. ఈలోగా అపవాది వచ్చి, ఆపంటభూమిలో ముళ్ళ విత్తనాలు విత్తేస్తాడు. ఆ ముళ్ళకంపలను చూసి బేజారయ్యి అసలు పంటనే వదిలేస్తారు వీరు.
ఇది మధ్యమ పురుష లక్షణం. చివరివరకు పోరాడాలి, సాధించుకోవాలన్న తపన కరువైన మనుషుల లక్షణం
మంచినేలను పడిన విత్తనం:
ఇది ఉత్తమ పురుష లక్షణం.
విత్తిన దగ్గరనుండి, పంట చేతికొచ్చేవరకు అనుక్షణం జాగ్రత్తలు తీసుకే మంచి రైతు లక్షణం. తను విత్తిన పంట మొలకెత్తడం, పెరగడం, ఫలించడం అన్ని దశలను గమనిస్తూ, అవసరమైన చర్య తీసుకూనే గొప్ప లక్షణం. తన మూలధనం ఎలా వాడబడుతుందో, ఏవిధంగా పని చేస్తుందో, ఏదిశగా తన గమ్యం సాగుతుందో గమనించి, తన లక్ష్యం చేరుకోవడానికి తగు జాగ్రత్తలు తీసుకునే ఉత్తమ వ్యాపారవేత్త లక్షణం.
ఇదే భగవతుడు కోరుకునేది.
"మెలకువగా ఉండుడి. దొంగ ఎప్పుడు వచ్చునో అని గమనించే మంచి యజమానునిలా, యుద్ధానికి సిద్ధపడిన సైనికుడిలా అప్రమత్తంగా ఉండండి".
ఏర్పరచుకున్నా లక్ష్యాన్ని సాధించగలమన్న గురితో, విశ్రమిచక ప్రయత్నించండి. అదే నిరీక్షణతో, అదే విశ్వాసంతో విసుగక పోరాడే వారికే దేవుని ప్రోత్సాహం కూడా. సోమరులు దేవుని రాజ్యానికి, అంతే కాదు ఈ లోకంలో కూడా ఉన్నతులవడాని అర్హులు కారన్న విషయం గమనించాలి.
కాబట్టి మనకు ఇవ్వబడిన ప్రతి పనిలోను నమ్మకంగా (ఈ లోక యజమానులకు) లోబడి పని చేయాలి. మంచి విత్తనం (శ్రమ, నేర్పు, నమ్మకం, ప్రార్ధన, చివరిగా ధనం) విత్తుతూ తగిన కాలంలో పంటను కోసుకోవడానికి సిద్దపడి ఉండాలి.
ప్రతి చిన్న విషయంలోనూ నమ్మకమైన వారినే యజమాని ఘన పరచడానికి ఇష్టపడతారు. ఆదాసునికే అధికారమివ్వడానికి సిద్ధపడతారన్న విషయం మరచిపోకూడదు.
అప్పగించిన బాత్యత చిన్నదా పెద్దదా మన స్థాయికి తగినదా లేనిదా అన్నది ముఖ్యం కాదు. ఎంత నమ్మకంగా ఆ బాధ్యత నెరవేర్చామన్నదే ముఖ్యం. మనుషుల దయను కోరక, దేవుని దయను కోరాలి. ఆయన మనలను మెచ్చుకోవాలి. ఆ బాధ్యత నెరవేర్చడమే మనం విత్తే మంచి విత్తనం.
ఒక కార్మికుడు తన నైపుణ్యమనే విత్తనాన్ని విత్తి మంచి పేరు, ఆత్మ సంతృప్తి, మంచి జీతమనే పంటను కోస్తాడు.
ఒక విద్యార్థి కష్టపడి చవడమనే విత్తనం విత్తి, మంచి మార్కులు, ఉన్నతమైన జీవితమనే పంటను కోస్తాడు.
మంచి ఇల్లాలు శ్రధ, ప్రేమ, మంచి నడవడికను విత్తి, ఆనందం, అభివృద్ధి, మంచి కుటుంబమనే పంటకోస్తుంది. ఒడిదుడుకులు లేని సంతోషకరమైన జీవితాన్ని తాను పొదడమే కాక తన పిల్లలకూ అందిస్తుంది.
మంచి విశ్వాసి నిరీక్షణ, ప్రేమ, విధేయత, ఇచ్చుట అనే విత్తనం విత్తి పరిశుద్ధాత్మ, ఆశీర్వాదం, ఆశీర్వాదకరంగా ఉండటం, సంవృద్ధి కలిగి జీవించడం అనే మొదలగు పంటలను కోస్తాడు.
దశమ భాగం విత్తడం గురించిన విషయాలతో మళ్ళీ కలుసుకుందాం.
