మరో రేపటికై ...

రెప్పచాటున నిన్నటి జ్ఞాపకాలను దాచి
మధురమైన నీ తలపులతో
నే నిదురించే వేళలో
నాకోసమే నీ సంకల్పానికి తుదిమెరుగులద్దావు
కదా నేస్తం!

నాసంతోషమే పరమావధిగా
శుభోదయపు పలకరింపులకు
తరలి వచ్చె వేకువకు

సప్తవర్ణాల శోభనిచ్చి
కువకువల సరాగాలు తోడుగా
ఎంత ప్రేమతో పంపావు నాకోసం

నా రేపటిలో నీ కలిమిని చూడాలని
ఉదయించే సూర్యుడితొ నేనూ ఎదగాలని
చెప్పకనే చెప్పేవు సుమా నీ కోరికని

అందుకే,

అలవికాని ఆత్రంతో మేలుకొంటాను ప్రతి ఉదయం
నాకోసం నువ్వేమి తెస్తున్నావో అని
అది అదుకున్న ఆనందపు ఘడియలతో
మనసంతానింపుకుని మరో రేపటికై
సాగిపోతాను ఈ రోజంతా నాదేనంటూ.