నాలోని నేను నువ్వయ్యెంతగా

వేలవేల క్షణాలు
నా ఆలోచనలను
మధించాక తెలిసిన
కొత్త విషయం
ఎప్పనుండో నాలోనే
నిద్రిస్తున్న పాత విషయం

నేను ప్రేమిస్తున్నాను
అవును నేను ప్రేమిస్తున్నాను
ప్రేమను ప్రేమగా అందించే
నా నువ్వుని ప్రేమిస్తున్నాను
స్పష్టంగా మరెంతో స్వచ్చంగా
నిజంగానే నే ప్రేమిస్తున్నాను

ఎంతగా అంటే
నాలోని నేను నువ్వయ్యెంతగా
నేనులో కూడా నువ్వే కనిపించేంతగా
మనసు పొరల్లో
మౌన వాహినిలో
నా అస్థిత్వపు లోతుల్లో
ఎటు చూసినా
నువ్వే అన్నంతగా

(మన)సురాగాలు

నీ ఊహలే అలలై
ఎగసే మనసును

నీ తలపులతో
వలపు ఊసులతో ఊయలూపి
తడియారని పెదవులతో
ఎరుపెక్కిన చెక్కిలిపై

నువు చేసే
చిలిపి సంతకాలు

గిలిగింతలై నా
తనువెల్లా శృతిచేస్తూ

తొలి పొద్దును
మలి సంధ్యను తెలుసుకోనీయక

మైకంలో నను
ముంచేయడం న్యాయమేనా నీకు?

జాణవే చెలీ
నెజాణవే నువ్వు

గులాబి బుగ్గలతో
కనుచివరల కొంటె
చూపు విసిరిందెవరో

నల్లని జడలో
మల్లెలు తురిమి
మనసుకు గాలమేసిందెవరో

తగిలీ తగలక
పైటకొంగుతో విసిరిందెవరో
చెప్పవే చిలకా

వయ్యారాలు ఆపై
సింగారాలు కలికీ
నీ తళుకుల బంధాలు

ఇంకా చాలక
నాపై అలకల
కోపాలు ఎంతటి జాణవే

వర్డుప్రెస్సు సహాయం కావాలి

ఎవరైన షేర్ దిస్ ప్లగ్గిన్ వాడారా?నేను వర్డ్ ప్రెస్ 3.2.1 వాడుతున్నాను. దాంట్లో ఫేస్ బుక్ బుటన్ సరిగా పనిచేయడం లేదు. కేవలం ఒక షార్ట్ లింక్ మాత్రమే ఇస్తుంది. అదిసరిగా పనిచేయడానికి ఎలాంటి మార్పులు చేర్పులు చేయాలొ చెప్పగలరా!

నమ్మలేక వెక్కుతోంది ఎందుకురా ఇలా

పసి పాపవే నీవనుకున్నా
నా ఎదపై నిదురించే అ చిన్ని పాపవే నీవనుకున్నా

నీ నవ్వులలోనే నా బ్రతుకు తెలవారుతుందని
మెరిసే నీ కన్నులలోని వెలుగు తానుకావాలని

ఎంత పిచ్చిగా నిదురపోయాను
దూరమైన నీ అడుగులు గుర్తించలేనంతగా

పిచ్చి నమ్మకంతో వత్తిలా కరిగిపోతూ
ఇంక అమ్మననే అనుకుంటోంది పిచ్చి తల్లి

తానే బొమ్మలా మారింది నువ్వాడుకుంటావని
పాతపడిన బొమ్మని విసిరేస్తావని ఇపుడేగా తెలిసింది

నీకుతెలియని గత వర్తమానాలే లేవు నాకు
కాని నాకు తెలియనిది నీ వర్తమాన భవిష్యత్తులే

తప్పటడుగులు వేస్తే చేయందించింది తానే
దారి తప్పిన నీ ఆడుగులకు అడ్డుపడి జారిపోతుంది తనే

నాన్నలూ అంటూ పొత్తిళ్ళలో దాచుకుంది
వొడిలో నుండి జారిపోతున్నా నిన్నాపలేకపోతోందీ తనే

అదను చూశి పదునుగా పొడిచావే దయగా
చావలేక బ్రతకలేక కొట్టుకులాడమంటూ చివరిగా

ఎందుకిలా చేశావని ఆడగాలనుంది
వేయినోళ్ళతో అది తన నమ్మకాన్ని వెక్కిరిస్తోంది

ఈ బంధాన్ని తెంచుకుని నువ్వెగిరిపోతావని
తెలిసి కుడా పిచ్చిగా అతుకులేయాలని అత్రపడుతుంది

పిచ్చి అమ్మ, పాతబడిన బొమ్మ తానని
తెలుసుకోలేక తెలిసినా నమ్మలేక వెక్కుతోంది ఎందుకురా ఇలా