నాలోని నేను నువ్వయ్యెంతగా

వేలవేల క్షణాలు
నా ఆలోచనలను
మధించాక తెలిసిన
కొత్త విషయం
ఎప్పనుండో నాలోనే
నిద్రిస్తున్న పాత విషయం

నేను ప్రేమిస్తున్నాను
అవును నేను ప్రేమిస్తున్నాను
ప్రేమను ప్రేమగా అందించే
నా నువ్వుని ప్రేమిస్తున్నాను
స్పష్టంగా మరెంతో స్వచ్చంగా
నిజంగానే నే ప్రేమిస్తున్నాను

ఎంతగా అంటే
నాలోని నేను నువ్వయ్యెంతగా
నేనులో కూడా నువ్వే కనిపించేంతగా
మనసు పొరల్లో
మౌన వాహినిలో
నా అస్థిత్వపు లోతుల్లో
ఎటు చూసినా
నువ్వే అన్నంతగా