ఓ తీయని జ్ఞాపకంలా

చల్లగాలి నల్ల మబ్బులు

తొలకరి చినుకులు మల్లె పూలు

గమ్మత్తుగా మత్తెక్కిస్తుంటె

రోజంతా నీకోసం నేనెదురు చూస్తుంటే

ఏదో తెలియని మైకం నను

కమ్మెసి నీ వైపు లాగేస్తుంది

ఎందుకంటావ్? నువ్వేం చెపుతావులె

మాయచెయడమే తెలిసిన

రాజకుమరుడివి పైగా సీమంతరాలలో ఉన్నవాడివి

అందుకే ...

అడిగానని చెప్పు

నీ తలపులలోని

వలపు కన్నియను

పిలిచానని చెప్పు

నీ ఎదలో మెరిసే

వయ్యారి తలపులను

పెదవిపై చేరి

చిరునవ్వుల పూవులే పూయాలని

ఎదురు చూస్తున్నానని

చెప్పు విరిసిన ఆ

నవ్వుల పువ్వుల కోసం

నావైపు నడచివచ్చే

నీ అడుగుల కోసం

ప్రియా

ఉండనా మరి

నీ మదిలొ కదిలె

ఓ తీయని జ్ఞాపకంలా